Хакас тiлiнiң кӱнiне чарыдылған азых кибелiстер хығырығлары

Хакас тiлiнiң кӱнiнде азых хакас тiлiнең хығырығларын иртiрерi Хакасияның чайаачылар туразы кибiрге кирiп алған. Пу кӱнде ӱгренҷiлер, паба-iҷелер, аға-ууҷалар, ӱгретчiлер, кибелiсчiлер, чыылызып, кӧңнiлерiне кiрчеткен кибелiстернi алай ба чоохтарны хоосты тыыда хығырчалар.

Пӱӱн, ӱртӱн айының 4-ҷi кӱнiнде, азых хығырығларға iдӧк аймах чон чыылысхан: идiнҷектер, ӱгретчiлер, библиотекарь, кибелiсчiлер, тынағдағылар. Оллар прайзы хакас тiлiне, тӧреен чирге чарыдылған М.Е. Кильчичаковтың, Я.А. Тиспирековтың, Сибдей Томның кибелiстерiн хығырдылар, постарының тахпахтарын салдылар.

Ӱлӱкӱннiң халғанҷызында марығ иртiрiлген «Тадырада табырах хығырары». Прайзынаң артых тадырада Сибдей Том хығырыбысхан, ағаа С. Шулбаевтың «Ай Солбаннаң Кӱн Солбан» алыптығ нымағын сыйлап пиргебiс.

Хакасияның чайаачылар туразы азых хығырығларның араласчыларына, хакас тiлiн улуғлапчатхан, аны сӧбiрелерiнде хайраллапчатхан ӱчӱн, улуғ алғызын читiрче. Хығырығларның араласчылары:

Ахпашева Наталья Марковна, кибелiсчi, Россияның писательлер пiрiгiзiнiң Хакасиядағы пӧлиинiң устағҷызы;

Барашкова Наталья Николаевна, сас хырыхчатхан ус;

Караваева Светлана Яковлевна, идінҷек;

Майнагашева Надежда Михайловна, Ағбан чуртағҷызы;

Мамышев Игорь Филиппович, кибелiсчi, Россияның писательлер пiрiгiзiнiң араласчызы;

Султрекова Светлана Максимовна, «Хакасия» ГТРК-ның хакас телевидениезінің режиссеры;

Субракова Карина Львовна, Хакас Республиканың олған библиотеказының ӧӧн библиотекарьы;

Топоева Ирина Эдуардовна, хакас тiлiнiң ӱгретчiзi, гид-экскурсовод;

Том Сибдей, кибелiсчi, Россияның писательлер пiрiгiзiнiң араласчызы;

Тюкпиеков Андрей Сергеевич, А. Топановтың адынаң Хакас драма театрының артизі;

Чебодаева Ольга Федоровна, идiнҷек;

Чочиева Жанна Станиславовна, садығҷы.

 

Ӱлӱкӱннең сірерні! Хакас тiлiнiң кӱнiнең!

 

Дополнительная информация по телефону: 8 (3902) 225-378, Кунчари Плужникова, методист Дома литераторов Хакасии